اغنية فيروز (يا مرسال المراسيل)

يا مرسال المراسيل

يا مرسال المراسيل عالضيعة القريبي

خدلي بدربك هالمنديل و اعطيه لحبيبي

عالداير طرزتو شوي إيدي و الأسوارة

حيكتلو أسمو عليه بخيطان السنارة

بخيطان الزرق و حمر و غناني الصبيان السمر

كتبتلو قصة عمر بدموعي الكتيبي

خدلي بدربك هالمنديل و اعطيه لحبيبي

بيتو باخر البيوت قدامو عليي

بتوصل عالبيت و بتفوت و بتسلم الهديي

و لو عنا قال و كتر قلو خليه يتذكر

عهالمنديل الأصفر ببعتلو مكاتيبي

خدلي بدربك هالمنديل و اعطيه لحبيبي

و بتجيبلي منو تذكار شي ورقة و شي صورة

عالورقة يكتب أشعار و أسمو على الصورة

و لما بتبكي المواويل يسأل عن أهل المنديل

يا مرسال المراسيل و سلم عا حبيبي

خدلي بدربك هالمنديل و اعطيه لحبيبي

[ندعوك للتسجيل في المنتدى أو التعريف بنفسك لمعاينة هذه الصورة]

مشكورة عزيزتى ساندى
مجهود متميز ورائع
ولكى خالص
تحياتى