دلكه للجسم قبل الاستحمام رهيبة

دلكة للجسم قبل الاستحمام

عندي لكم دلكه حلوه للجسم انا مجربتها بنفسي
وجابت معايا نتايج مررره حلوه..
واستعملتها كمان قبل فرحي بأسبوع وبعد الاسبوع رحت عملت حمام مغربي
ما خرج مني ولا أي جلد ميت كان جسمي مررره نظيف
حتى إللي عملتلي الحمام المغربي قالتلي غريبه ما خرج منك شي زي الاسبوع اللي فات
لأني قبلها بأسبوع عملت حمام مغربي عندها وخرج مني جلد ميت كثييير
لكن لمن عملت الدلكه كل يوم لمدة اسبوع ما خرج مني ولا شي حتى اللي عملتلي الحمام استغربت
وإنشالله تجربوها وتشوفوا النتايج المرضيه بإذن الله......
وهي مكونه من :

ترمس مطحون + سكر + زبادي

اخلطوهم مع بعض الين ما تصير زي خليط الكيك

وادخلي الحمام الله يكرمكم واستحمي بمويه حاره (مو مره حاره )
وبعدها أفركي جسمك بالدلكه بطريقه دائريه والباقي حطيه على جسمك لا تفركيه
خليه زي الماسك على الجسم وخليه إلين ينشف بعدها أغسلي جسمك بالمويه البارده

وشوفي النعومه والنضاره ....
طبعا ممكن إنتي تسويها كل أسبوع مره وحده أو مرتين في الاسبوع
أو تعمليها كل يوم لمدة أسبوع وبعدها تعملي حمام مغربي في البيت..
ولكم جزيل الشكر لقراءة موضوعي......

[ندعوك للتسجيل في المنتدى أو التعريف بنفسك لمعاينة هذه الصورة]
مشكورة على الوصفة مجهود متميز
واتمنى لكى التقدم والتميز الدائم
ولكى خالص تحياتى وتقديرى
juliet

» نعومة للجسم هايلة
» مجموعة تمارين للجسم بالكامل
» قصيدة رهيبة اوى وسائد وشراشيف
» أقدم لكم تصاميم رهيبة فعلاً أرجو الدخول
» خلطة رهيبة لجسم ابيض مثل القشطة وانعم من الزبدة