دكان شحاته .. فيلم يستحق المشاهده !!

السلام عليكم



فيلم دكان شحاته لمخرج الروائع / خالد يوسف..



اللي قدر فعلا يعمل لنفسه اسم كبير وكمان محدش
فينا ينكر انه بقي يستني فيلم خالد يوسف الجديد بغض النظر عن ابطال العمل
.. مشكلته في استخدامه لبعض المشاهد الجنسيه في توصيل بعض افكاره وده
موجود في السينما المصريه من قديم الازل !! في افلام كتير مفيش داعي لذكر
اسمائها !!

انا طبعا مش بدافع عن اسلوبه بس كل اللي عايز قوله انه مخترعش الموضوع ده من دماغه !!

في دكان شحاته لايحتوي غير علي مشهد او اثنين وداخل السياق جدا او بالنسبه لحين ميسره اللي كان فعلا مبالغ في مشاهده ..



الفيلم فعلا يستحق المشاهده ورؤيه مستقبليه قاتمه ولكنها غير مستحيلة الحدوث !!

وسيكون علامه مميزه جدا من علامات السينما المصريه ومن اجمل واروع الافلام
العربيه اللي ممكن تشاهدها علي مدار حياتك لانه بيناقش حياتنا الاشياء
الممكنه الحدوث لنا مستقبليا ..



وقدر فعلا من خلال شخصيه شحاته اللي جسدها الفنان عمرو سعد ..
اللي فعلا يستحق عن الفيلم ده كلمة فنان عن جداره .. بعد خروجه من السجن (
والسجن المقصود بيه الازمه الطاحنه اللي ممكن نمر بيها او بنمر بيها فعلا
) وجد حاجات فعلا يشيب لها الولدان وجد ان حتي مياه النيل بتتباع للمصرين
وحتي العيش مش لاقينه وصور ده في مشهدين اقل مايقال عنهم معبرين وهما مشهد
الفرن ومشهد القطار !!

الحاجه اللي زادت من مرارة الواقع لما راح للمكان اللي كان عايش فيه وهو
دكان وقطعه ارض كان عايش فيها هو واخواته في احد الفلل ( والفيلا بتعبر عن
الوطن والدكان هو بيته ) وجد مكانهم السفاره الاسرائيليه وده رساله صريحه
من صناع الفيلم !!



وطبعا مننساش النجم الجميل محمود حميد اللي قام باجمل ادواره علي مدار تاريخه الفني وفعلا قدر يعمل دور الاب الصعيدي بتمكن عجيب !!



شحاته اللي اتهان واخواته سجنوه واخوه اخد عروسته ( هيفاء وهبي ) اللي من خلال الفيلم ده تلاقي فنانه وخصوصا مشهد النهايه ..





وبعد كل العذاب اللي شافه شحاته والعذاب اللي شافه راح لهم مسالم ومع ذلك قتلوه ..



خلاصة الموضوع ان كل شخصيه مختاره بعنايه فائقه وكمان كل شخصيه عندها رساله عايزه توصلها ..



الفيلم يعتبر فعلا مميز من اداء تمثيلي لكل العاملين في الفيلم بلا
استثناء وموسيقي تجبرك تعيش في جو الفيلم واغاني تعيشك احساس ابطال الفيلم
مع الصوت الجامد فعلا احمد سعد اللي بصوته قدر يوصل الاغنيه ويحكي كلماتها
..



يعني ياجماعه هو مش مجرد فيلم بيحكي عن دكان واخوات بيكرهوا اخوهم لا الفيلم اكبر من كده الاف المرات ..



نصيحه بجد اوعي تخللي فيلم زي ده يفوتك من غير ماتشوفه لانه فعلا يستحق ده ..



واخيرا بجد اتمني ان السينما المصريه تتقدم وتقدم لنا اعمال جميله اكتر
واكتر واكيد ده هيبقي العصر الذهبي للسينما المصريه لاحتوائها علي نجوم
بيختاروا عامالهم بعنايه فائقه ومنهم علي سبيل المثال ( المخرج خالد يوسف - احمد السقا - احمد عز - احمد حلمي - كريم عبد العزيز - خالد صالح ......)



بجد يستحقوا ننتظر افلامهم ..



ودي بعض الصور من داخل الفيلم ..







تحياتي

اولا مشكوره توتا على مرورك
واتمنى تنورى صفحاتى دائما

ثانيا هى فعلا وجهات نظر
(واختلاف الراى لايفسد للود قضيه)
معاكى انى مصر مش كله عشوئيات
بس فيه عشوئيات
ومعاكى باردو لو قولتى انى هى بتخلى قيمة مصر فى عيون العرب تقل
بس النوعيه دى من الافلام ليه فوايد كتيره جدا لو كنتى اتفرجتى على الفيلم كنتى عرفتى قصدى
يعنى مثلا بتقول للى بيغلط وفاكر انى محدش شايفه لا احنا شايفينك
ده مثال وفيه حجات كتير من هذا القبيل
وللعلم انا فى حجات مش بحبها فى النوعيه دى من الافلام وممكن تكون افلام المخرج خالد يوسف بالذات مع احترامى ليه وللفن اللى بيقدموا
وهى استخدامو للمشاهد الجنسيه فى الافلام
بس ده ميمنعش انى هم عملوا فيلم انا عن نفسى بعتبره من روائع السينما المصريه والعربيه بل والعالميه ايضا
مع احترامى الشديد لرايكى
ومعلش طولة عليكى
تقبلى تحياتى
عرباوى
:وردة:

ادارة منتديات بحيرة العالم

تشكركم جزيل الشكر على المجهود المبذول

من اجل الارتقاء بالمنتدى ونفع الاعضاء والزوار الكرام



مواضيع هامة لاستخدام المنتدى

شرح لوحة تحكم العضو فى منتديات بحيرة العالم

مواضيع هامة فى كتابة المواضيع

شرح عمل جميع أزرار نافذة الارسال

استمبات وضع المواضيع فى بحيرة العالم

موسوعة فواصل بحيرة العالم التى تجعلك مميز فى وضع مواضيعك



منتديات بحيرة العالم كل ما تبحث عنة تجدة فى مكان واحد

WORLD LAKE | منتديات بحيرة العالم | افلام عربي | افلام اجنبي | افلام
هندى | افلام ممنوعة من العرض | افلام كرتون | برامج | مسلسلات | مسرحيات
افلام اجنبى للكبار فقط | اغانى عربى | اغانى اجنبى | شعبى | كليبات | موبيلات
العاب | mp3 | صور النجوم والفنانين

http://www.world-lake.com