الف ليله وليله ( متجدد كل ليلة قصة )

_الليله الأولــي_
تصوير داخلي...
من داخل القــصر,,
المحترف"الله يخرب بيوتكوا ......ايه يبنى انت وهو الدوشه اللى بره دى؟..........هو الواحد ميعرفش يرتاح فى قصره شويه؟ ..........اندهولى وزير المخروبه دى"
المبسوط:- دى الناس عامله مظاهره بره يا سعادة الباشا السلطان
المحترف:- ليه بأه ان شاء الله؟
المبسوط:- مش لاقيين عيش
المحترف:- طب قول للافران تخبز عيش
المبسوط:- ماهو الفرانيين عاملين مظاهره هم كمان
المحترف:- ليه تانى؟
المبسوط:- مفيش دقيق
المحترف:- قول للمطاحن يطحنوا شوية قمح
المبسوط:- نفس المشكله سعادتك مفيش قمح
المحترف:- يا عم ما تخلى الفلاحين تزرع ده انت فقرى اوى
المبسوط:- ماهم بأه الفلاحين اللى عاملين مظاهره وسايبين الزرع عشان مش لاقيين عيش
المحترف:- ااااااااااااه طب اصرفلهم عيش من المخازن
المبسوط:- ماهى فاضيه سعادتك من ساعة المظاهره الاولى
المحترف:- خلاص اصرف لكل واحد كارت شحن من ابو خمسه وعشـ...ولا خليه من ابو عشره
المبسوط:- امرك يا سعادة الباشا السلطان
المحترف- تعالى هنا صحيح ............ جبتلى عروسه النهارده ولا ايه النظام؟
المبسوط:- هنشوف يا باشا
المحترف:- طب استنضف بأه مش زى ليلة امبارح
المبسوط:- ماهو مفيش بنات يا باشا فى البلد.....الناس كلها بعتت بناتها للبلاد التانيه
المحترف:- طب انت مش عندك بنت؟
المبسوط:- اه هدهده يا باشا
المحترف:- طب هتجوزها.......روح يلا مالك متسمر كده ليه؟

وفي بيت الوزير ايه اللي جرى وياتري هدهده هتعمل ايه هي والمبسوط
واٍزاي الحرافيش ساعدوهم!!!!!

كل ذلك واكثر في الليله القادمه

ابقو معانا

الف ليله وليله ( متجدد كل ليلة قصة ) 1f08c610

قصة وفكرة هايلة يا سندريلا

وفى أنتظار الليلة القادمة

أوعى تتاخرى علينا

لا مش هتأخر كل فتره هنزل الباقى
عشان التشويق
واشكرك يا ادمين على تشجيعك ليه
ولك خالص تحياتى

فى انتظار الليلة القادمه

ايه هو مش الليل بدء
ها ياسندريلا

حاضر هنزلها
جارى

وفى قصر الوزير"

الحرس// : سياده سعاده الوزير باشا
- المبسوط//: يشير بيداه محيي الحرس.
- ضحى //: انت جيت يا خويا وجيبت ايه معاك ياما جاب الغراب لأمه..
- المبسوط//: ياستي صوتك والرعيه..
- ضحى// : ترمقه بنظرة ناريه وتنصرف
- هدهده: اٍنت جيت يابابا ..
- المبسوط//: ايوة جيت
- هدهده//: ومالك كده مكشر وميش زي عويدك..
-
- المبسوط//: يا بنتى اسمعى كلامى يلا ناخد اول طياره على بره
- هدهده//: لا يا بابا سيبنى احاول معاه
- المبسوط//: يا بنتى انا شايل قرشين حلوين فى سويسرا هيعيشونا ملوك
-هدهده//: قلت لا .... لو عاوز تخلع انت اخلع لوحدك
- المبسوط//: منا عامل كده عشانك انتى
- هدهده//: طب وعشانى انا اقعد وشوف انا هعمل ايه
- المبسوط//: اما نشوف

- المشهد التاني
- تصوير خارجي
- منظر ليلي.
.- علي قهوة السكرية الثقافيه
- كانت تجتمع الحرافيش للحديث في امور الدوله
- لمه بنت فلسطين//: السلام عليكم ياحرفيش..
- الجميع بصوت واحد جهور وعليكم السلام ياكبيرة الحرافيش
- دمعة القلب//: يااحلي مساء علي عيونك ياكبيرة..
- صوت من بعيد ينادي ياحرافيش ياحرافيش
- تقف لمه لكي تستبين الأمر
- ديه مين ديه ياحرافيش
- دمعة في تعجب// : يوة ينيلها ديه فوف..
- لمه تشير الي مجموعه من الحرافيش بمعني احضروها
- ....
- لمه//: مالك ياحرفوشه فوف-
فوف وهي متقطعه الأنفاس//: شوفتو اللي حصل الجميع : حصل ايه
-فوف//: عارفين هدهده بنت الوزير المبسوط.. السلطان المحترف.. عايز يتجوزها
- دمعة//: يامصيبتي وتاني يوم يطير رقبتها لأ ده مايتسكتشي عليه ابدااا.
-لمه//: السلطان ده قرفنا اوي وانا صبري عليه فاض منيٍ.
- الحرافيش//: وهنعمل ايه ياكبيرة
- لمه//: هقولكم...

- المشهد الثالث..
- نهار داخلي
- قصر السلطان
- المحترف//: ياصباح ياعليم يارزاق ياكريم استعانه علي الشقء بالله
- فين يابني وزير الغبرة ده
- كبير الحراس//: لسه مجاش سعاتك
- المحترف//: ايه اللي اخرة اٍن شاء الله.. ابعتلوة رنه ياض وكنسل بسرعه اوعه يفتح عليك ايوة ياخويا هي ميش ناقصه خراب ..
او ابعتله كلمني شكرااا
- كبير الحراس//: موبيله قفله سعاده السلطان
- المحترف//: وكماااااااااااان قفله ده يومه مهبب النهارده
- صوت حرس الباب الأمامي للقصر// : سعاده الوزير شرف يا مولأي السلطان
- المبسوط//: صباحو عسل ياابو السلأطين
- المحترف//: عسل اٍسود فوق دماغك النهارده
- المبسوط //: ليه بس سعادتك..
- المحترف//: عملت ايه في موضوع العروسه ياض
- المبسوط//: كل خير اطمن سعادتك
- المحترف//: وايه اخبار الرعيه دلوقتي كلو ...
المبسوط: وبيدعو علي سعادتك ..
- المحترف//: بتقول ايه ياض.
-المبسوط//: بيدعو لسعادتك يا باشا
- ......

- المشهد الرابع- منتصف النهار

- قهوة السكرية الثقافيه
- فوف//: نسكافيه يادقدق سكر زياده..
-دمعة //: كده الحساب كتير يا ستي فوف
- فوف//: ضفيهم علي حساب لمه
- دمعة//: لمهاه وماله ينفع برضو
- زحمه شديده وراجل راكب موتوسيكل هارلي: يااهلي البلاد الكرام فرمان صادر من سعاده السلطان
- سيتم زفاف بنت الوزير المبسوط النعمان هدهده
- لسعاده السلطان
- والحاضر يعلن الغايب
- سعد المطيرى//: شوفتو الوزير الخسران باع بنته للسلطان
- الشيشه يابني حاجه تعكر الدم
- وفى قصر الوزير"
- ضحى ماسكه الريموت كنترول بتاع الدش وبتغير القنوات: يارب توب علينا من المدعوق ده اللي اسمه الدش القنوات كلها شبه بعضها
- هدهده//: ياماما ماتغيري وهاتي قناه مزيكااا
- ضحى //: مزيكااا
- قومي يابت شوفي المطبخ ال مزيكاا ال
- دنتي هتبقي عروسه كمااان يومين
- بعد اجتماع الحرافيش علي قهوة السكرية-
وقٌرب زفاف هدهده ياتري اتفقو علي ايه
- واثناء الزفاف ايه اللي حصل
- ابقو معانا

جميله ياسندريلا
بس ايه اللى هايحصل
هانستنى الليل
امتى هايجى تانى

مستنيين نعرف ومتشوقين جدا
ولكى تحياتى يا جميلة المنتدى

والله زمان يا الف ليله وليله بجد موضوعك جميل جدا بس يا ريت انا وغيري عايزين نعرف ايه اللي حصل بعد كده احنا في الانتظار

اشكركم على ردودكم الجميله
ولك خالص تحياتى
جارى

هايل أسلوبك رائع بجد شوقتينا لليله

الى جاية

واحنا مستنين بس أوعى تتاخرى علينا

اشكرك يا ادمين على تشجيعك
الذى يدفعنى دائما للامام
ولك خالص تحياتى وتقديرى
جارى

اليله الثالثه
المشهد الاول
تصوير خارجي
منظر ليليٍ
قهوة السكرية الثقافيه
حيثٌ تجمع الحرافيش
العراقية/: هاي ياحرافيش شكلكم ميش في المود النهارده
فوف/: اهلأ ياختي اٍنت شرفتي ماحدش شاف وشك من يومين..
العراقية/: او سو سورى ياجماعه حفلات وكده خارج البلاد
فوف في تعجب!!: حفلات اه طـــيب
لمه/: عرفتي اللي حصل يابت يا عراقية
العراقية في لهفه/: ايه حصل ايه ؟؟
فوف/: ميش المحترف يار هيتجوز بنت الوزير
العراقية بضحكه عاليه/: يامصيبتي ديه ساقطه اٍعداديه يابنتي
يلأة ارزاق ...
لمه/: وهوا طالبك تغني في الحفله يا بنوته
العراقية/: ايه بتقولي ايه انا انا

المشهد الثاني

؛؛قصر الوزير..
هدهده جالسه امام الكمبيوتر...
ضحى/: بت ياموكا انتي يابت
هدهده بتنفوخ/: اوف نعم ياماما نعم
ضحى/: يابنتي بتعملي ايه علي المخروب ده والله شكلي هكسرة علي دماغك
هدهده/: ياماما بعمل شات مع اصحابي
ضحى/: بتشيتي ايه يا موكوسه الله يشيط شعرك
والنبي ديه عروسه فرحها بكرة..
هدهده/: ياماما خلاص بئه انا بتكسف..
ضحى/: اسمع ياسبع البرمبه بنتك بتكسف
المبسوط/: ياربي ارحمني هلأقيها من السلطان ولأ من لسان العقربه ديه
ضحى/: بتقول ايه ياراجل
المبسوط/: ياستي ولأ حاجه بقولك عزمتي الجيران وقريبنا علي الفرح
ضحى/: اه يا سي السيد ماهو كل حاجه علي دماغي.. والحرافيش كمااان ..
المبسوط/: الحرافيش يا ستي منتي عارفه السلطان بيكرهم.. ربنا يستر..

المشهد الثالث

،،قصر السلطان
تصويرليلي
حديقه كبيرة
لمه/ ها يا حرافيش جاهزين
الحرافيش في صوات واحد: كله تماااااام يا كبيرة]
فوف/: ايه عراقيةحفظت الاغنيه
العراقية/ طبعا عيب عليكيٍ ده انا ]العراقية والاجر علي الله
اهم حاجه الفرقه تكون جاهزة
الفرقه الموسيقيه/: جاهزين يا فنانه
المحترف بينادي علي كبير الحرس/: انت ياض ايه ياعم الزحمه ديه وايه اللي جاب الحرافيش هنا
شوف لي الوزير.
كبير الحراس/: حاضر ياجناب سعاده الباشا السلطان
المبسوطيأتي مسرعا: اامر سعادتك.
المحترف: فين الفرقه الموسيقيه..
المبسوط/: موجوده اهيه سعادتك.
المحترف: وفين هيفاء يابني
المبسوط: للأسف مسافرة خارج البلاد وانا جيبت لسعادتك العراقية
المحترف/: مين ياخويا.. وديه ايه ديه كماااان
المبسوط: لأحاسب سعادتك ديه اوعـــه وشك..
تبداء الموسيقه وتقتربالعراقيةمن الميك.
العراقية((بتحيه المعزومين وتعطي اٍشارة ببداء الأغنــيه.....

القعده علي الكرسي حلوه بس الشعب بيقرص

..
شعب تاكله وشعب ياكلك
شعب تشله شعب يشلك
شعب تقرف منه
شعب يكفيك شره

ينفع فى شتا او صيف هو ايه

السلطان السلطان السلطان السلطان

هو ايه

السلطان السلطان السلطان السلطان

قلبه ابيض وضميره سليم
لا بيغش ولا هو غشيم

كان فى الرعيه امير
كان علي البلد بيغير

كان عيشته حرير فى حرير
ده سجنه
بهدله
ظبطه
شرده
تعالي
تعالي
تعالي

ينفع فى شتا او صيف
هو ايه
السلطان
السلطان
السلطانهو اللى مجوعنا .. هو
هو اللى مشردنا..هو
هو اللى معرينا ..هو
هو اللى. مروقنا..هو

هو هو هو هو

يلا يلا يلا
يلا يلا يلا
يلا نجددله يلا

يلا يلا يلا
المبسوط/ الله الله يابنوته ايه الجمال ده
المحترف/ يانهارك اسود هوا اللي
موجوعناهوا اللي معرينا ومشردنا
وصفق الجميع وانتهت

المشهد الرابع
داخل القصر
(وتم الزفاف سريعا وفى اوضة النوم الملكيه....)
المحترف/:- انتى مالك فرحانه كده ليه؟ ده انتى هتموتى الصبح
هدهده/:- منا عارفه
المحترف/: - عارفه ومبسوطه كمان؟
هدهده/:- اه
المحترف/:- هو الوزير مخلف عيله هابله ولا ايه بس !!
هدهده/:- يا عم ما كلنا هنموت
المحترف/:- اه بس انتى بكره
هدهده/:- وانت امتى يعنى يا فتك؟
المحترف/:- الله اعلم
هدهده/- مانت ممكن تموت قبلى
المحترف/:- بقولك ايه انا مصهلل النهارده ومش طالبه معايا نكد .....حد يقول لسلطان فى فرحه انت هتموت قبلى؟
هدهده/:- يعنى حد يقول لعروسه فى ليلة فرحها هتموتى بكره انت كمان؟
المحترف/:- عندك حق انا هنام بأه
هدهده/:- نعم يخويا؟ انت متجوزنى عشان تنام وتموتنى؟
المحترف/:- خلاص خدى الريموت عندك فيه فيلم اجنبى حلو فى الـ MBC2 والاوربت فيها فيلم عربى جميل برده
هدهده/:- لا يا عم مش عاوزه تليفزيون
المحترف/:- امال عاوزه ايه بأه......احكيلك حدوته؟
هدهده/:- لا احكيلك انا يا يا محترف
المحترف/:- طب احكى يا ستى وصدعينى
هدهده/:- ولو عجبتك تسيبنى متموتنيش بكره؟
المحترف/:- لو معجبتنيش هموتك دلوقتى ولو عجبتنى هسيبك للصبح
هدهده/:- طب اسمع الاول وبعدين ابقى قولى هتعمل ايه
المحترف/:- قولى يختى
هدهده/:- بص يا عم بيقولك مره واحد .......
المحترف/:- انتى هتحكى حدوته ولا نكته؟
هدهده/:- اهمد باه انت مش ليك حدوته؟ اسمع للاخر بأه
المحترف/:- ماشى قول يا عم على بابا...........اوعى تكون بتاعة على بابا؟
هدهده/:- لا دى قصة واحد فقرى
المحترف/:- اه كده لايقه عليكى قولى ما هى ليله باينه فقريه من اولها
هدهده/:- بص يا سيدى وما ستك الا انا
المحترف/:- خدى راحتك مانتى كده كده ميته بكره
هدهده/:- يا عم متفولش اياكش انت تسبق ......بص يا عم بيقولك مره واحد فقرى اوى كان ماشى الصبح ورايح يجيب فطار لاولاده حلو الكلام؟
السلطان المحترف/:- (بملل ) كملى كملى
هدهده/:- فهو بيعدى جسر كده وبيبقى معاه سلطانيه بيجيب فيها الفول بتاع الفطار المهم وقع من على الجسر ده فى قلب الميه....وقع فين؟
المحترف/:- اخلصى يا حجه بأه هو انتى بتحكى لعيل صغير؟
هدهده/:- ماشى يا عم العجوز.....المهم نزل تحت الميه ناس اخدوه تحت اوى كمان لقى بلد كامله ...
المحترف/:- (باهتمام بس مش عاوز يبين) كل ده تحت الميه؟
هدهده/:- اه واخدوه على الملك بتاعهم كمان اواااااااااااااااااااااااه (بتتاوب)
المحترف/:- كملى بسرعه بأه
هدهده/:- لا يا عم انا عاوزه انام
المحترف/:- يا بت كملى باه متزهقينيش
هدهده/:- ازهق
المحترف/:- هتخلينى اتعفرت
هدهده:/- على نفسك
المحترف/- يا مسرور
مسرور/:- امرك يا باشا السلطان
المحترف/:- طير رقبتها
!!!!!!
ياتري حصل ايه...
ابقومعانا

ماليش دعوة انا عايزة اعرف الباقى

بس بجد تحفة تحفة
عجبيتنى جدا
يالا بقى كميلى لينا الباقى
مستنين

Harry Potter كتب:: ماليش دعوة انا عايزة اعرف الباقى

بس بجد تحفة تحفة
عجبيتنى جدا
يالا بقى كميلى لينا الباقى
مستنين

اشكرك جدا يا هارى
ولك تحياتى

سنعود
ايه ياسندريلا
متى العوده
الليل ليل

حاضر يا مانى
ولك تحياتى
جارى

لقد ابدعتى فى هذة القصة وحولتيها من قصة عادية

من الممكن أن تحكى فى موضوع واحد الى

سلسلة قصص مشوقة ينتظرها الاعضاء

كل ليلة بفارغ الصبر

أن أبداعك هذا يزيد من تفاعل

الاعضاء معك ومع بعضهم

البعض

أنها بحق مجموعة حلقات

مشوقة أستحقت

ولاول مرة فى منتديات

بحيرة العالم

أن تنال

الف ليله وليله ( متجدد كل ليلة قصة ) 3h210

الف ليله وليله ( متجدد كل ليلة قصة ) 3h210

أحيكى على قصتك الهايلة وفى انتظار بقية

الليالى

ولكى خالص تقديرى لكى وتحياتى

شكرا لكى

يا سندريلا

بحيرة العالم

ADMIN

تم التثبيت لجودة المحتوى

وتفاعل الاعضاء مع الموضوع

اشكرك يا ادمين على والوسام ده

الف ليله وليله ( متجدد كل ليلة قصة ) 3h210

بجد انا مش عارفه اقولك ايه
دايما بتعامل الناس بحق ربنا
بجد لك كثير الشكر
وخالص تحياتى
سندريلا

اشكرك على التثبيت ايضا
وجارى الحلقه الرابعه
ولك تحياتى يا ادمن
سندريلا

موضوع جميل ياسندريلا وفى انتظار باقى الحلقات

الليل جة ومشى كتير واحنا قاعدين منتظرين الباقى
Sad

» مشاهدة فيلم ممنوع في ليله الدخله مشاهدة الفيلم العربى ممنوع في ليله الدخله فيلم ممنوع من العرض للكبار فقط
» حوار ليله الدخله
» انظر من ينام معك في الفراش كل ليله !!!
» الاهم قبل المهم فى ليله زفافك
» حصريا - كليب احمد سعد - كل ليله DVDRip - على اكثر من سيرفر