حوار بينى وبينى أخى الكيميائى علاء كباوى

الله يخرب بيتك يا كباوى..........عموما انا قبل ما أتكلم لازم أفكرك إنى حاصل عل الليسانس 1995 بتقدير جيد ومع ذلك إشتغلت من 95 لغاية 2005 بدون واسطة !!!!!!!!!عارف كنت شغال إيه؟؟؟؟؟؟؟ مُقدم .........بس مش فى الداخلية طبعاً وإلا كنت إديت أمثالك يا كباولا بالجزمة وكان زمانك بتقولى يا باشا.........لكنى كنت شغال مُقدم فى المُسابقات الحكومية (ضرائب - تأمينات - شهر عقارى -نيابة إدارية-.....إلخ) والله حتى فى شركة مفكو حلوان كانت منزلة إعلان قدمت فيه ،،،،،،،،،لكن للأسف سيادة المُقدم فى الوظائف الحكومية اللى كان نفسه يعيش مُحترم بمُرتب معقووووووووووووول للأسف المٌقدم لم يستطع أن يلتحق بأى وظيفة .....لأن كل شىء فى بلدنا لا يتم عن طريق ....الرشوة - الواسطة - المحسوبية .......وأنا يا سيدى البيه يا مولاى كما خلقتنى ............قوم إيه يا كباوى بيه .......قلت أشوفلى واسطة كانت الانتخابات البرلمانية على الابواب ....قالوا فلان بيه ده راجل مليح ونظيف (مش احمد نظيف ) قلت كويس نقف معاه يمكن ربنا يكرمه وفى الاخر يحس بيا ده أن سنى وصل 31 سنة وعاطل يا بيه ...اعذرنى مفيش حل تانى ونجح البيه النائب ولسانى تقل ومقدرتش أطلب منه حاجة واستمر الوضع لغاية ما الدورة البرلمانية هتنهى أعمل ايه ؟؟؟؟؟رحت على الشخص اللى قالى ان النائب ده كويس وعايزين نقف معاه ...وقلتله يا أخى انا مش قادر أطلب وظيفة كلمه انت لأنك قريب منه والحمد لله الراجل كلمه وجاب لى وظيفة بعقد مؤقت معاك يا كباوى بيه يا أخويا فى مركز معلومات التنمية المحلية ...بكااااااااااااام يا سادة ب150 جنيه فى الشهر فى الشهر فى الشهر (أغنيها)حمدنا ربنا وقلنا كل واحد بياخد نصيبه فى الدنيا واحنا مش هنخلد فى الدنيا ومينفعش نعترض على قضاء الله وقدره
3 سنوات على يدك يا كباوى بيه فى مركز معلومات التنمية المحلية وإحنا صابرين يمكن يثبتونا أو يزودونا لكن تقول لمين يا بيه للأسف اللى فوق خلاص مش حاسين باللى تحت
أهلى بصوا عليا قالوا الواد كبر هيتجوز إمتى ...الله يرحمه أبويا قال دور لك يا بنى على عروسة وأنا هأجرلك الزرعة اللى حيلتى حتى لو هأجرها عشر سنين ، بس حاول تشوفلك واحد تكون بتشتغل علشان تساعدك
لكن مين يا أخويا هيرضى بالواد بتاع مركز المعلومات أبو 150 جنيه فى الشهر اللى ما تسقيش مية
المُهم ربك أراد وناس وافقوا علينا وحصل النصيب وإيه يا اخوانا
العروسة ربنا كرمها بعقد عمل فى الخليج .....ياه ده انت ربنا كرمك يا وله...
بعد ما تتجوز مراتك هتاخدك معاها والبلية تلعب وبالفعل بعد سنة من الزواج المدام عملت لى ورق علشان نبقى مع بعض ويمكن ربك يكرمنى وسافرت
ويا ريتنى ما سافرت !!!!!!!!!!!!!ليه
إكتشفت يا بيه إن العيب مش فى النظام ...............ليه ؟؟؟؟؟؟؟
أكتشفت إن المنحوس منحوس حتى لو علقوا فة (رقابة)فانوس.... طيب ليه
لان الدولة الشقشقةالعربية الملوخية المهلبية ....إيه قوانين الاقامة تمنع الزوج من العمل إلا بعد مرور سنة من دخوله البلد (يا وكستى) وعشت سنة كاملة فى خناق دائم ونحو عشرين مرة نتفق فيها مع بعضنا على الطلاق
ومرت السنة التى تضعها الدولة الشقيقة التى لا نعرف الحكمة منها وبدأت أقدم فى المُعلن عنها .......يعنى انا رجعت لوظيفتى القديمة اللى كنت بشتغلها فى مصر لسنين طويلة وهى (مُقدم)فى الوظائف المُعلن عنها بالدولة الشقيقة ،،،،لكن يا حسرة العقبة الاولى إن السادة أصحاب الأعمال هنا بيفضلوا أصحاب الأعمار الصغيرة وكمان يا أخويا لو عايزين واحد يستقبل مكالمات (تليفونست) يقولك يكون معاه ماجستير فى الإتصالات ههههههههه صدقنى مش بكذب عليك رغم ان الإعلانات الخاصة بأبناء بلدهم يعنى القاصرة على موطنيهم (لأن إحنا إسمنا الوافدين)إعلاناتهم بتطلب حاصلين على شهادة ابتدائية أو امتوسطة أوثانوية أو دبلوم بالميم
المُضحك المُبكى أنى فى مقابلة مع أحد أصحاب الشركات كان طالب مُدخل بيانات ......مسك ف إيده صور الشهادات وبيبص فيها وفجأة قال لى إنت معاك ليسانس كذا وجاى تشتغل مُدخل بيانات !!!!!! قلت مش مشكلة دى أرزاق حضرتك وكل واحد بياخد نصيبه (بصراحة فقع مرارتى وقلت فى نفسى يا ربى يعنى رضينا بالهم والهم مش راضى بينا
الخلاصة هنا فى الدولة الشقيقة التى لا لوم عليها أبدا لأنهم أحرار فى بلدهم ..........المهم أنك هنا لو ما تعرف شىء فى أى شىء وعايز تشتغل أحلى شُغل وبأعلى راتب ممكن تحصل عليه بالواسطة او المعرفة
ورسى بيا الوضع أشتغل حارس أمن (بيقولوا عليها ضابط أمن ) واللى بأحصل عليه من الشغلانة لا يكفى أجرة السكن اللى قاعدين فيه ....يعنى المدام هى اللى بتصرف
ولا عزاء للسيدات
لـــــــــــــــــــــــــــــــــكن بعد كل هذا القهر الذى أحمله فى صدرى
إلا انى فى هذه اللحظات الخطيرة والعصيبة التى يمر بها الوطن والمؤمرات التى تُحاك بل حيكت من العدو والشقيق .........نقول أن مصلحة الوطن مُقدمة عل كل شىء فيجب على الجميع أن يقدموا ذلك على مصالحهم الفردية ويجب أن يعود الاستقرار لأن الجيش مهمته حماية الحدود التى أصبحت مُستباحة من الأعداء والمُتآمرين
أما رئيس مصر فهو رمز لمصر حتى لو أساء إلينا فإن له ما له وعليه ما عليه فإذا ذكرت ما عليه فلا تنسى ما له ....وكما ورد (لعل الله قد إطلع على أهل بدر فقال إعملوا ماشئتم فقد عفرت لكم )والعبد لله يرى أنه بالقياس يمكننا أن نقول (لعل الله إطلع على أهل أكتوبر أو العاشر من رمضان فقال افعلوا ماشئتم فقد غفرت لكم ) الرجل حارب من أجل الوطن وكان رمزاً من رموز النصر والعزة لبلدنا ولا يمكن ان نجحد أهل الفضل فضلهم وستكشف الأيام عن وطنيته ....لأنى أؤمن أن كل من حكموا مصر هم رؤساء وطنيين ...نعم لهم أخطاؤهم ككل البشر مينفعش نعاقب آبائنا وقد سمعت من يُذكرنى بأن هناك قاعدة تقول لا يجوز الخروج على الحاكم ما لم يمنعنا من إقامة الصلاة
والرجل لم يفعلها
هذا هو الفرق بينه وبين بن على الذى كان يمنع الحجاب ولا تقام صلاة الجمعة والاجازة الرسمية كانت يوم الأحد ومن يريد أن يصلى لا يسمح له بالصلاة إلا فى المسجد التابع له بيته ويوقع فى دفتر انه أدى الصلاة

أما مُبارك كما جكى وزير الاوقاف حمدى زقزوق : قال عرضنا على الرئيس مبارك مشروع قانون يمنع النقاب نظراً لكثرة المشاكل الأمنية التى تأتى بسببه .............لكن مبارك رفض

خلاص الراجل هيمشى وعايز يموت فى بلده اللى حارب من أجلها فلا يجب أن نستكثر عليه خروجا يحفظ له كرامته التى هى كرامة كل المصريين
أرجوكم لا تشمتوا فينا الجزيرة وقطر وإيران التى تتهم رئيسنا بالعمالة وبأنه لم يقف مع غزة أثناء الحرب فإذا كانوا صادقين لماذا لم يطلقوا صاروخا واحداً من إيران أو من الحزب التابع لهم فى لبنان
إنه التآمر على مصر من كل الحاقدين
لنكن على قدر المسئولية وندرك ما يحيط ببلدنا من مخاطر
رد الله كيد الكائدين وحقد الحاقدين
وتحيا مصر

مشكور يا غالى

-------------------------

مواضيع هامة لاستخدام المنتدى

Wink

شرح لوحة تحكم العضو فى منتديات بحيرة العالم

مواضيع هامة فى كتابة المواضيع

Wink

شرح عمل جميع أزرار نافذة الارسال

Wink

استمبات وضع المواضيع فى بحيرة العالم

Wink

موسوعة فواصل بحيرة العالم التى تجعلك مميز فى وضع مواضيعك

حوار بينى وبينى أخى الكيميائى علاء كباوى 2pr9v9j

منتديات بحيرة العالم كل ما تبحث عنة تجدة فى مكان واحد حوار بينى وبينى أخى الكيميائى علاء كباوى Rss10

مشكور

» اغنية فيروز (بينى وبينك)
» بينى وبينك انا زهقت منك يا احمد بصراحه
» نبيل فاروق يكتب .. بينى وبينك: ما أسهل أن تنافق
» اغنية دلعونة ( علاء زلزلى )
» ألبوم علاء عبدالخالق حب مش عادى