الأول السلام عليكم..
ثانيا.. انا حسيت ان جالي جرأه اني أفضفض معاكم, واستفيد من خبرة اللي
أكبر مني, لاني محتاجه بجد استشارة حد بعيد عن اللي انا فيه عشان يقول رأيه
بكل حيادية وعقلانية..
هبدأ معاكم الفضفضه ...:
حياتي كانت قبل
الثانوية العامة عاديه جدا كأي طفله, جت الثانوية العامة وجه معاها حياتي
الجديدة بشكلها الجديد, بابا وماما انفصلوا, مش طلاق, مجرد انفصال ده ف بيت
وده ف بيت, أنا عايشه مع ماما
وأختي عايشه
مع بابا, بابا وماما بيشتغلوا شغل مرموق جدا في المجتمع, واحنا الحمد لله
حالتنا المادية كويسه جدا, (أنا مدركة طبعا ان الرزق ربنا بيوزعه على خلقه
بالتساوي, حرمني انا وأختي من الترابط والعيله ومن بعض, لكن عوضنا بمكانة
اجتماعية كويسه وسط الناس بابا فلان ومامتي علانه).. مش مهم الكلام ده كله
لأني اتعودت واتأقلمت عليه, أختى كمان بقت مش بتفرق معاها معنى "الاخت
والحنان والسؤال", هي اتعودت تبقا بعيد عني (مع إني حاولت محاولات كتير من
ورا ماما اني أقرب أختي مني, بس هي حبة الوضع اللي احنا فيه ده)... ع
العموم انا دلوقتي بقى عندى 24 سنه.. بشتغل شغلانه انا حباها جدا الحمد لله
وغير كده إن دخلها كويس, وعشان انا تقريبا مش بتكلم جوا البيت وكلامي
محدود مع ماما مع انها صحبتي جدا, بس برضه كلامنا قليل بحكم إننا اتنين بس ف
البيت, بس بعوضه بره البيت, ليا صحاب كتييييير ومن كل الأعمار, دنا حتى
الدادات ف الشغل مصاحباهم, وتقريبا محدش شافني قبل كده مكشره, ع طول بضحك,
واللي يشوفني يقول عليا استحاله يكون عندى ابتلاء ومشاكل ف حياتي, والحمد
لله بجد مش ببالغ انا أي حد يشوفني ويتكلم معايا يحبني فورا ويتعود عليا
كئنه عارفني من زمان.. برضه دى مش الجزئية اللي عايزه اخد رأيكم فيها.. انا
اتعرفت على شاب أكبر مني ب 9 سنين, بس هو من محافظة بعيده عن محافظتي ب 3
ساعات (مع العلم إني عايشه مع أمي لوحدنا, وماما مش غاويه صحوبيات ولا ليها
معارف كتير, تروح شغلها وتيجي البيت نقعد مع بعض, يعني أنا يعتبر حياتها)
أنا اتعودت على الشاب ده, ومش عارفه إذا كنت بحبه ولا لا, بس هو حبني, وقال
انه مستعد يقسم الاسبوع مابين هنا وهناك, وإنه مش معترض على شغلي وعلى حبي
ليه.. كل ده كلام جميل, بس أنا خايفه لايكون كلام وبس, ولما نتجوز يخليني
أقعد ع طول هناك ويخليني أسيب شغلي, وأنا استحاله أسيبه (لانه طموحي وذاتي
وضماني الوحيد لحياة كريمة عشان ما اتحوجش لأي حد في حياتي) أعمل ايه؟ انا
ثقتي في الحب والارتباط والرجالة عامة تقدروا تقولوا عليها "زيرو", مش
عايزه اتجوز واتطلق أو انفصل,بترعب من الفشل, مش عايزه اخلى ولادى يمروا
باللي مريت بيه ف حياتي, مش عايزه اجيب ولاد كل واحد فيهم متربي في حته, مش
عايزه اجيب طفل بيستجدي معنى (الأخوه) من بره البيت, بحلم بحياه مستقره,
وإني أحافظ على أمي وابقا جمبها بقدر المستطاع.. هل أنا غلط؟ هل أنا
مزوداها ومعقداها؟ اسفه إني طولت عليكم ..
منتديات بحيرة العالم كل ما تبحث عنة تجدة فى مكان واحد
WORLD LAKE | منتديات بحيرة العالم | افلام عربي | افلام اجنبي | افلام
هندى | افلام ممنوعة من العرض | افلام كرتون | برامج | مسلسلات | مسرحيات
افلام اجنبى للكبار فقط | اغانى عربى | اغانى اجنبى | شعبى | كليبات | موبيلات
العاب | mp3 | صور النجوم والفنانين | الثقافة الجنسية
http://www.world-lake.com