عاوز تعرف ايــــوه .....كرســــــى الاعتــــــــــــــراف فى الطريق

تذكير بمساهمة فاتح الموضوع :

عاوز تعرف ايــــوه .....كرســــــى الاعتــــــــــــــراف فى الطريق - صفحة 3 Korsi10

للامانه الفكرة دى منقولة
بس انا لاقيتها جميله فقولت نجربها مع بعض
الموضوع بيتلخص فى عنوان الموضوع
تمام انه كرسى الاعتراف
هو عبارة عن شوية اسئله
بس عشان مايحصلش لا قدر الله زعل هانحط شوية قوانين للعبه ودا ها يبقى الجديد على منتدانا
يبقى اخدنا الفكرة وطورناها
فانا مش هاحط القوانين الا لما احس انكم عاوزين تلعبوها ماشى
مستنى ردودكم ولو فى اقتراحات كمان
يلا عاوزين نفعل المنتدى اكتر من كده

cinderella كتب:: خلاص كده كل الاسئله ولا لسه فى تانى
واذا فى تانى انا منتظره
اشكركم ولكم تحياتى

انتى مستعجله ليه ده كله كان تسخين كدا فى البدايه
لسه التقيل جاى ورا
ـــــــــــــــــــــــــــــــــــــ

بما إنك بتدرسى علم اجتماع وبتحبى علم النفس

1) كم استمرت حرب المائة عام؟
2) فى أى الشهور يحتفل الروس بثورة أكتوبر؟
3) أين تصنع قباعات بنما؟
4) ما هو اسم الملك جورج السادس؟
5) ماهو اسم الحيوان الذى اشتق من اسمه اسم جزر الكنارى؟

ـــــــــــــــــــــــــــــــــــــ

أحييك أبو تمام على أسئلتك

ولكنها لا ترتبط بصلة لعلم الاجتماع

ومن النظرة الاولى تتخيل أن الاجابات موجودة فى الاسئلة

1) كم استمرت حرب المائة عام؟

100

2) فى أى الشهور يحتفل الروس بثورة أكتوبر؟

أكتوبر

3) أين تصنع قباعات بنما؟

بنما

4) ما هو اسم الملك جورج السادس؟

جورج السادس

5) ماهو اسم الحيوان الذى اشتق من اسمه اسم جزر الكنارى؟

الكنارى

ولكن هذة أجابات خاطئة

والاجابات الصحيحة

1) كم استمرت حرب المائة عام؟

بدأت عام 1338 أو 1337 مـ بين انجترا وفرنسا استمرت 115 أو 116 سنة

2) فى أى الشهور يحتفل الروس بثورة أكتوبر؟

نوفمبر

3) أين تصنع قباعات بنما؟

الاكوادور

4) ما هو اسم الملك جورج السادس؟

البرت

5) ماهو اسم الحيوان الذى اشتق من اسمه اسم جزر الكنارى؟

الجراء

تحياتى ليك يا ابو تمام

هههههههههه
احييكى على بحثك وعدم تسرعك فى الاجابات
لان الاسئلة دى ترتبط بعلم النفس من حيث اكتشاف غباء الاخرين
وانتى نفدتى منها لانك ماتسرعتيش وجاوبتى
لكى تحياتى

أحيكى يا سندريلا على أجابتك

والان أحنا منتظرين الضحية الرابعة

والان مع الضحية الرابعة

الى كلكوا مستنينها بس تقعد

مع المراقب العام على منتديات

بحيرة العالم

عاوز تعرف ايــــوه .....كرســــــى الاعتــــــــــــــراف فى الطريق - صفحة 3 2-3510

عاوز تعرف ايــــوه .....كرســــــى الاعتــــــــــــــراف فى الطريق - صفحة 3 2-3510

أبو تمام

اهلا بيك

على كرسى الاعتراف

أنا مش هسئلك دلوقتى

أنا هستنى لما كلوا يخلص

عليك

قصدى أسئلتة

منك

وبعدين أنا هكمل

عليك

قصدى

أسئلة

باى يا أبو تمام

أشوف وشك بخير

ههههههههههههههه
هاتوحشنا يا ادمين
اسئلتك شويه
بص يا ابو تمام
انت مرتبط ولا لا
وبتحب ولا لا
وايه مواصفات فتاة احلامك
وايه اكتر حاجه تحبها فى اصحابك
واكتر حاجه تخنقك منهم
وايه معنى صاحب صاحبه عندك
ومين اكتر حد مضايقك فى المنتدى
اكيد بعدى بسبب اسئلتى ههههههههههههههه

ومين اكتر حد ممكن تتكلم معاه لو انت متضايق
او وانت مبسوط او واقع فى مشكله او محتاج تاخد قرار
كفايه عليك كده مؤقتا جاوب وهانرجع لسؤالك بعد شويه
ربنا معاك

أبوتمام كتب:: هههههههههه
احييكى على بحثك وعدم تسرعك فى الاجابات
لان الاسئلة دى ترتبط بعلم النفس من حيث اكتشاف غباء الاخرين
وانتى نفدتى منها لانك ماتسرعتيش وجاوبتى
لكى تحياتى

تعيش وتاخد غيرها يا ابو تمام
معلش بقى عليك الدور المره دى
وانا هحضر اسئله وجيالك بيها
لك تحياتى

ههههههههههههههه
هاتوحشنا يا ادمين
اسئلتك شويه
(ربنا يستر ياعم بوب مش عارف هو ادمين ناويلى على ايه)
بص يا ابو تمام
(ايون معاك اهو باصص)
انت مرتبط ولا لا
(أولها كدا يا بوب ده انا بحبك ليه بس البدايه دى بس انا عيبى انى صريح اوى
وبصراحه انا مش مرتبط خالص لا من قريب ولا من بعيد)
وبتحب ولا لا
(انت ليه اسالتك جميله كدا بس انا مضطر اجاوبك
مفيش حد مش بيحب اكيد لازم نحب وانا بحب والدتى جدا ومرتبط بيها جدا وبحب والدى بطريقة فظيعه وهما حياتى بجد
وطبعا بحب قرايبى كلهم وبحب الناس كلها الحمد لله مش بعرف اكره)
وايه مواصفات فتاة احلامك
(انت شايفلى عروسه عندك ولا ايه يا عم
مواصفاتها
والله انا اقدر اقولك مواصفات كتير بس ساعة النصيب مش بنلاقى اى صفه منهم لكن القدر بيلعب لعبته وبتلاقى نفسك ادلقت
فانا كل اللى عاوزه بنت تكون بتحب ربنا وباره بأهلها وتحبنى لشخصى وتكون ذكيه لانى بكره الغباء اوى وبتعب نفسيا من الاغبياء وتكون مثقفه وسيده مجتمع تشارك فى المجتمع مش قعدالى فى البيت وخلاص تكون ليها هدف عاوزه توصل ليه ونساعد بعض اننا نحقق اهدافنا سوى وطبعا تكون عندها نفس افكارى ..بس)
وايه اكتر حاجه تحبها فى اصحابك
( احب فى اصحابى الصراحه مش الملاوعه واللئم )
واكتر حاجه تخنقك منهم
(انهم يتجاهلونى او اتفاجئ انهم عملوا حاجه بدون علمى وطبعا الغباء بكرهه فى اى حد لانى بعانى منه فعلا لدرجة انى حسيت
انى بئيت غبى جدا)
وايه معنى صاحب صاحبه عندك
(صاحب صاحبه بجد اللى يسامح صاحبه مهما عمل)
ومين اكتر حد مضايقك فى المنتدى
(والله كل اللى فى المنتدى ناس محترمه وبحبهم كلهم اللى اعرفه واللى مااعرفهوش اه والله مفيش حد متضايق منى ولو كنت
متضايق من حد ما كنتش ابئه موجود فى المنتدى اصلا لانى مش هفضل فى مكان مش مرتاح فيه)
اكيد بعدى بسبب اسئلتى ههههههههههههههه
(ههههههههههههه والله انا بحترمك جدا ومبسوط بوجودك معانا فى المنتدى وربنا يديم الود)
ومين اكتر حد ممكن تتكلم معاه لو انت متضايق
(انا افتكرتك خلصت اساله)
او وانت مبسوط او واقع فى مشكله او محتاج تاخد قرار
(فى الفترة الحالية مفيش حد غير قلم وورقه واكتب اللى جوايا فى شعر او خواطر او كلام هرتله عادى فالقلم والورقه وعقلى هما
اصحابى ولما بتعب من حاجه اوى بشتكى لربنا اللى قادر على كل شئ وبحس بقربه منى اوى لما بحتاجله)
كفايه عليك كده مؤقتا جاوب وهانرجع لسؤالك بعد شويه
(لسه تانى ده انت تعبتنى ياراجل بس براحتك انا معاك للنهايه)
ربنا معاك
(يارب)
شكرا ليك وليك تحياتى
وشكرا ليك يا ادمين يا حبيبى ماشى

ههههههههههههههه
تعيش وتاخد غيرها واستنى اوعى تقوم من على الكرسى هاحضرلك شوية اسئله وهارجع
اوك يامان

ده من حظى
ان لحقت ابوتمام على الكرسى
دول شوية اسئله صغيرة على ماحضرلك شويه اسئله اوك
هل انت صريح مع نفسك
مش تستعجل الاجابه عشان هايبان
فين تلاقى
الامان والحنان والكلمة الصادقه والحب والاخلاص والغدر والخيانه والسعادة والحزن
امتى تحس انك مش عارف تقاوم وانك لازم تستسلم فى موقف ما
هل انت من النوع المعاند ولا لا
اكتبلى حكمة او مثل تحس انه بيوصفك او بمعنى اصح بتقوله لنفسك لما تحس انك عاوز تقنع نفسك بشئ
هل انت من النوع اللى واثق من نفسه ولا لا
انت شايف نفسك فين كمان 10 سنيين
اوصف نفسك فى كلمتين بالظبط بدون مبالغة
امتى تحس انك محتاج النصيحه وامتى تحس انك غلط
وامتى تحس انك لازم تعتذر
اوصف معنى الكلمات الاتيه فى كلمة
الحياه
السعاده
الامل
الحبيب
الحب
الام
الاخ
الصديق
الغدر
اسيبك مع الاسئله الصغنونه اوى دى
شويه وهاكمل اسئله
اوك
معلش طولت عليك

أنتظر العذاب منى

فا أنا قادم أليك

أنتظرنى

عاوز تعرف ايــــوه .....كرســــــى الاعتــــــــــــــراف فى الطريق - صفحة 3 Du128010

ها جاهز

ده من حظى
ان لحقت ابوتمام على الكرسى
( ومن حظى انا كمان منا عارف حظى ديما زى العسل)
دول شوية اسئله صغيرة على ماحضرلك شويه اسئله اوك
(أوك ربنا يستر يا خوفى يا بدران)
هل انت صريح مع نفسك
مش تستعجل الاجابه عشان هايبان
( لا مش مستعجل بفكر اهو
بس اللى بيكون صريح مع الناس لازم يكون صريح مع نفسه أولا وأنا صريح مع نفسى جدا وديما ببهدلها لما احس انها هتتغر
أو هتتغير أو هتتضعف لازم أكون حاسم مع نفسى وده حقيقى اللى بيحصل مش كلام مثالى يعنى)
فين تلاقى
الامان والحنان والكلمة الصادقه والحب والاخلاص والغدر والخيانه والسعادة والحزن
(الأمان وانا فى المسجد باصلى ـــ هو انا بتبئه عينى على الشبشب عشان مايتسرقش بينى وبينك يعنى)
(الحنان لما بكون مسافر وتجينى الاتصالات وانا فى السفر بحس بنبرة حنان مفيش بعدها)
(الكلمة الصادقة عند الإنسان الصادق اللى بثق فى صدقه)
(الحب فى كل مكان وزمان وكل وقت ديما عايش لحظات حب وفى حب لأنى فاهم الحب صح وعمره ماكان سبب فى شقائى)
(الإخلاص نادر دلوقت فى كل حاجه لان كل حاجه بئت مشى حالك وانجز فى الصداقات فى العمل فى الجواز وربنا يرزقنا الإخلاص والمخلصين)
(الغدر والخيانة معرفش عنهم حاجه خالص)
(السعادة بلاقيها وانا بسمع القرآن او بقراه او بحفظه وفى كل ما يتعلق بيه وكمان وانا بألف شعر بلاقى متعه غير عاديه)
(الحزن لما بضعف واحس انى عاجز عن عمل حاجه ولما بفقد شخص بحبه ربنا ما يورينا الحزن ابدا)
امتى تحس انك مش عارف تقاوم وانك لازم تستسلم فى موقف ما
(ههههههه وانا بذاكر ببئه نفسى اذاكر ساعه على بعضها بس سبحان الله النوم بيكون حلو اوى ومش بقدر اقاوم واول ما اسيب
المذاكرة يروح النوم فى ثوانى سبحان الله وده اسرع موقف بستسلم فيه للأسف)هل انت من النوع المعاند ولا لا
(معاند مع نفسى لكن مش معاند مع غيرى لانى ديما بحب الاقناع والمسايسه لكن فى وقت الهزار والهيافه بكون رخم اوى وعنيد جدا)اكتبلى حكمة او مثل تحس انه بيوصفك او بمعنى اصح بتقوله لنفسك لما تحس انك عاوز تقنع نفسك بشئ
(قبل الحكمه فى آية وهى قوله تعالى (أولما أصابتكم مصيبة قد أصبتم مثليها قلتم أنى هذا قل هو من عند أنفسكم ان الله على كل شئ قدير) وأما الحكمه أو المثل ( عش ما شئت فإنك ميت وأحبب من شئت فإنك مفارقه واعمل ماشئت فإنك مجازى به)
هل انت من النوع اللى واثق من نفسه ولا لا
(واثق ن نفسى لأنى لازم أثق فيها ولكن بمساعدة ربنا لأنى من غيره ولا حاجه وأى إنسان لا يساوى شئ بدون الله
فأنا واثق فى قضاء ربنا وفى قدره وبالتالى ثقتى فى نفسى مستمده من ثقتى الكبيرة فى ربنا)
انت شايف نفسك فين كمان 10 سنيين
(هههههههههههههه
فى جنة الخلد ونعيمها وربنا يحسن ختامنا جميعا)
اوصف نفسك فى كلمتين بالظبط بدون مبالغة
(انتى شديده على فكره وتعبتينى واسالتك فى الجون
ولازم اجاوب طبعا
(كويس ولكن)
هما دول الكلمتين لان اى حد تساليه عنى يقولك كويس اوى بس عيبه كذا اهى كذا دى بئه اللى لازم تلاقيها ديما حتى بينى وبين
نفسى لازم يبئه فيه كذا أو كويس ولكن)امتى تحس انك محتاج النصيحه وامتى تحس انك غلط
(دائما بكون محتاج لنصيحه بس مش بلاقيها ودائما حاسس انى غلط وفى بحث دائم عن الصح فين مايكون)وامتى تحس انك لازم تعتذر
(لما بكون غلطان ولما بكون مش غلطان لانى بحب التسامح ديما ومعظم الناس دلوقت بتتعالى على كلمة اعتذار وبتلاقى فيها
تقليل من قيمتهم مع ان الرسول قال وخيرهما الذى يبدا بالسلام فيابخته المتسامح عند ربنا وان كانت بتتفهم غلط بس انا ديما
بحب اعامل ربنا مش اتعامل بمفهوم الناس)اوصف معنى الكلمات الاتيه فى كلمة
الحياه (جميلة فى طاعة ربنا)
السعاده (موجوده بس احنا اللى المفروض نروحلها)الامل (سبب للحياه)
الحبيب (من الحاجات اللى بتقوى الإنسان وتسانده فى حياته)
الحب (من غيره الحياه وحشه اوى)
الام (مش هدخل الجنه غير برضاها)الاخ (المسئولية) اصل انا الاخ الأكبر
الصديق ( عمله نادره) يابخت اللى يلاقى صديق بجد لازم يحافظ عليه
الغدر(انتى ليه مركزه مع الغدر كدا ربنا يبعدنا عنه وانا بجد ماعرفهوش)
اسيبك مع الاسئله الصغنونه اوى دى
(اه دى اسئله سهله اوى ياشيخه ليه جايه على نفسك كدا ااااااااه يانى)
شويه وهاكمل اسئله
اوك
(اوك ايه انتى اكيد بتهزرى انتى اما صدقتى ولا ايه)
معلش طولت عليك
(لا ابدا ارجو ان اكون اجبت بشفافيه وصراحه وعملت المطلوب)

مع تحياتى ليكى يامانى
أبوتمام

Admin كتب:: أنتظر العذاب منى

فا أنا قادم أليك

أنتظرنى

ها جاهز

والله يا احمد حرام عليك الصوره دى بئه انا كدا
ماااااااشى
وعلى العموم انا مستنيك اما اشوف انت ناوى على ايه

هههههههههههههههه
دا احمد ناويلك ولا ايه
يعنى اسئل ولا استنى شويه قرروا وقولوا

السلام عليكم معلش يا جماعة انا جيت متاخر وخصوصا يا بوب وسندريلا ومانى كان نفسى الحقكم بس يالا الحمد لله ان طلع حظى حلو ولحقت ابو تمام ازيك يا باشا جاهز ولا على العموم هاحضر شوية اسئلة واجيلك فى السريع سلام مؤقت

ازيك يا ابو نمام انا جيتلك ومعايا شوية اسئلة فى الذيذ ها جاهز ولا لآ

ايه هية طموحاتك؟
بتحب تعمل ايه اوقات فراغك؟
بتحس بايه لما تعجز عن فعل شىْ؟
ايه اكتر حاجة بتحبها واكتر حاجة بتكرها؟
ايه اكتر حاجة بتكرها فى اصدقائك واكتر حاجة بتحبها فيهم؟
هل انتا سعيد فى حياتك ؟
هل انتا راضى عن نفسك؟
مين اقرب انسان ليك؟
الدنيا تمثلك ايه؟
الموت يمثلك ايه؟
لو خانك اقرب اصدقائك ماذا ستفعل؟
لما بتكون ضعيف بتحس بايه وبتعمل ايه؟
لما بتكون قوى بتحس بايه وبتعمل ايه؟
ايه هيه رياضتك المفضلة؟
ايه هية هواياتك؟

كفايه كدة يا جميل ولو عايز تتسئل تانى انا فى الخدمة

ازيك يا ابو نمام انا جيتلك ومعايا شوية اسئلة فى الذيذ ها جاهز ولا لآ
(الله يخليك يا سعد انا تمام الحمد لله بس ليه أبو نمام ياعم من أولها كدا متوتر انت فى الاسئلة)ايه هية طموحاتك؟
1)اعلم اللغة العربية لغير الناطقين بها الاجانب يعنى لان اللغة العربية لغة عالميه مش إقليميه
2)اسجل المصحف كامل فى الإذاعة المصرية واكون قارئ قرآن مسموع للمسلمين وغير المسلمين
3)اعمل مشروع ضخم وموسسه تعليميه عالميه لتعليم وتحفيظ واتقان القران وتعليم اللغة العربية للأجانب يكون لهافروع
فى جميع أنحاء العالم. بتحب تعمل ايه اوقات فراغك؟
(أحب القراءة جدا فى أى مجال وغالبا انا عندى فراغ كبير بشغله بالقراءة ومراجعة القرآن)بتحس بايه لما تعجز عن فعل شىْ؟
(بحس بالإصرار على فعله والمحاوله تانى لانى معرفش اليأس أبدا أهم حاجه اخلص النية واعالج اخطائى واتوكل على الله)
ايه اكتر حاجة بتحبها واكتر حاجة بتكرها؟
(بحب الهدوء واكره الغباء)ايه اكتر حاجة بتكرها فى اصدقائك واكتر حاجة بتحبها فيهم؟
(اكره فيهم تصغير الدماغ واحب فيهم التدين والجدعنه)هل انتا سعيد فى حياتك ؟
(الحمد لله طبعا سعيد جدا)هل انتا راضى عن نفسك؟
(راضى عن نفسى فى اللحظه اللى انا فيها لكن المشكله فى اللى جاى لازم اكون طماع عشان اوصل يعنى ارضى عن نفسى
النهارده لكن بكره لازم افكر ازاى اكون احسن من النهارده)
مين اقرب انسان ليك؟
(ولدى وولدتى وحضرتك يا عم سعد ياللى عمال تزنق على صاحبك فى الاسئله)الدنيا تمثلك ايه؟
(الدنيا بالنسبه لى الفرصه للعمل والشغل والتعب لانها حقيرة وقصيرة فلازم استغلها كفرصه اوصل بيها للجنه الهدف المرجو)
الموت يمثلك ايه؟
(بداية الرحله الحقيقية)لو خانك اقرب اصدقائك ماذا ستفعل؟
(لو أداة شرطيه واعتقد الشرط ده مش هيحصل لانى واثق انك مش هتخونى انا بعرف انقى اصدقائى كويس)لما بتكون ضعيف بتحس بايه وبتعمل ايه؟
(بضحك واروح انام)لما بتكون قوى بتحس بايه وبتعمل ايه؟
(بتواضع واساعد الضعيف)
ايه هيه رياضتك المفضلة؟
(الجرى فى الثبات والمشى فى الشقه وغسل المواعين وحمل الشنط عند السفر)
إيه هى هواياتك؟
(تلاوة القرآن وكتابة الشعر والرسم والقراءة)كفايه كدة يا جميل ولو عايز تتسئل تانى انا فى الخدمة
(يا جماعه سعد ده صديقى الانتيم والصدوق واقرب واحد ليا وعارف عنى كل حاجه وهو كويس اوى انه سئل الاسئلة دى بس
وانا ناويله بئه لما ييجى عليه الدور)الايام بيننا يا سعد
وتقبل تحياتى

سؤالى

يا ابوتمام

أجلتة للأخر علشان هو مرتبط بجميع الاسئلة

الى فاتت

وسؤالى هو هل أنت صادق فى جميع أجابتك على الاسئلة

التى وجهت أليك

تحياتى ليك

ADMIN

سؤالى
(إيه هو)

يا ابوتمام
(نعم انا سامعك)
أجلتة للأخر علشان هو مرتبط بجميع الاسئلة
الى فاتت
(ربنا يستر)
وسؤالى هو هل أنت صادق فى جميع أجابتك على الاسئلة
التى وجهت أليك
( ربنا يكرمك يا شيخ وكنت متوقعك ان سوالك هيكون جديد وغريب وانا اجاوبك واقولك انى الى حد بعيد
جاوبت بمنتهى الصراحه عن الاسالة اللى تخص الجوانب النفسية والعقلية اللى هى زى بتحب ايه
بتضايق من ايه وكدا يعنى اما بالنسبة للاسئلة اللى تخص جوانب شخصية ومتعلقه بواقع حياتى
فانا شايف ان ده مش مهم لحد مش عارفنى انه يعرفه لكنى برده جاوبت بس مش بكدب لكن بهزار
وخدتها بضحك وكدا وفى سوال بتاع صفات الفتاة وسوال الطموحات دول انا جاوبتهم بهزار وبمبالغه
وفيه اساله بتمثل ليا حاجه حزن او مولمه زى الخيانه والغدر انا تجنبت الاجابه عنهم ورديت بمنطقيه
وفى النهايه اشكرك على سوالك الرخم اللى كشفنى على كرسى الاعتراف وهو السوال الوحيد
اللى معرفتش اهرب منه واضطريت اجاوبه بطريقه مباشرة)

انا هنتظر لمدة يوم واحد لو حد عاوز يسألنى اى سوال
وبعد كدا نعلن عن الضيف الرابع اللى هيشرفنا على الكرسى
ولكم تحياتى

بعتذر انا معدتش نفسى واللى قعدوا على الكرسى تلاته من غيرى
بوب ومانى وسندريلا والمفروض انا الرابع
فمعلش بئه انا فى الانتظار عشان نعلن بعد كدا عن العضو الخامس فى كرسى الاعتراف

ليه كدة تستحلفلى يا ابو تمام دنا بحبك

لالالالالالالالالالالالالالالالالالالالالالا
استنى يا ابو تمام
مش هاتقوم ...............مش هاتقوم أنا أحتج

مش قبل ما اسئل كام سؤال تانى
ايه رئيك فى بعض المفاهيم دى
الحريه و العولمه والديموقراطية والديكتاتوريه
امتى تحس انك ديموقراطى او ديكتاتورى
اذا لم تكن مصريا لو ددت ان تكون..................
هل انت واقعى ومش تتسرع فى الاجابه لانه هايبان فى السؤال اللى بعده
ايه هى احلامك تمام وتوقع لا قدر الله عدم نجاح بعضها لان لازم فى بعض احلامنا جزء من الخيال
فهل عدم تحقيق الجزء دا هايكون عقبه ولا هاتكمل
امتى تاخد قرار وتندم عليه
امتى تحس انك لازم تضحى ومين اللى ممكن تضحى عشانه
Very Happy

كفايه كده اسئله
بس
جاوب بصراحه شديدة ومن غير تزويغ لان سؤال ادمين كشفك Wink

انا قولت ادمين بعد الصورة دى
هايسئل اسئله بجد جامده
وفى الاخر سؤال واحد بس
انا معاك ان السؤال بجد جامد بس دا واحد
احنا عاوزين كتير Wink

ايه هو ابو تمام فين
مش جاوب على الاسئله ليه
عاوزين ضحيه جديدة

» عاوز تعرف ليه الحب اعمى ويقوده الجنون ادخل وانت تعرف
» حصريا تحميل فيلم الكل عاوز يحب الفيلم الممنوع من العرض بطولة سهير رمزى ونور الشريف وعادل امام تنزيل فيلم الكل عاوز يحب الفيلم للكبار فقط + 18 فقط على بحيرة العالم
» عاوز احط توقيع
» حصرياً : فيلم بدون رقابة نسخة DvdRip بحجم 250 ميجا صيغة RMVB للكبار فقط
» اخطأنا الطريق