الانسان الحساس خلى بالك منه

موضوع: الانسان الحساس خلى بالك منه 2/3/2009, 5:01 am

فيه ناس كتير
قوي يقولك خللي بالك من فلان الا حساس زياده عن اللزوم اوفر يعني ومش واخدها ايزي
كده زينا ووبالتالي يتم تجنبه او اخراجه بره الشله المبروكه ويحرم من شله الانس
والفرفشه عشان حساس زياده عن اللزوم وطلع هنا كلمه انسان حساس وانسان تاني مش حساس
طيب والله كويس يبقي الانسان الحساس ده يعني عنده حس وشعور انما الباقي بقي مش
عندهم احساس ولا ايه
ونفسي مره حد يفرق لي الحد الفاصل
بين الشخصيه الحساسه
والشخصيه المتبلده
يعني مثلا لما نسمع كلام جارح من حد ويفتقد ادني حدود الذوق
ونزعل يقولك يا خي بطل حساسيه بقي ما تبقاش خنيق احنا بنهزر وخليك ايزي ايه يعني
واحد يضربك علي قفاك عادي تيك ات ايزي
اه صحيح الناس اتغيرت وبقينا في عصر
السرعه
ما هوا من كتر الواحد اللي بيشوفه في الجامعه وفي البيت والحاجات دي
لازم يخلي باله من تصرفاته فيه حاجه اسمها ذوق اساسا زي ما ذوق في اختيار الالوان
وذوق في اختيار الكلمات
يعني الذوق مش بس من بره
الاصعب علي الواحد انه
يلوم نفسه يفكر نفسه انو هو الغلطان وانه مش قادر يجاري الوضع ولا زملائه معقوله
كلهم غلط الا انا طيب ليه الواحد مش قادر يكون زيهم ويكبر زي ما بيقولوا ومين الصح
انا ولا هما وهل انا اوفر فعلا هنا بتقل قيمه الفرد عنده هوا داخليا وتبدا العلاقه
بينه وبين نفسه علاقه عكسيه علاقه كانت حلوه زمان كانت مبنيه علي الاحترام دلوقتي
مبنيه علي اللوم وبس ويعيش الفرد مذبذب بين الصح والغلط يحصل له نوع من التغير في
المبادئ الحاجات اللي اتعلمها واللي بيشوفها
يفضل يا عيني الفرد في حيره الفكره
ان لازم تعرف ان انسان نادر عز في زمن الوجود خليك علي طبيعتك اياك تغيرها انسان
مهذب محترم في زمن ما عدش يعترف بالحاجات دي

الاحترام المتبادل

لو
عايز صداقه تنتهي بسرعه خليها تفقد الاحترام لانه لو دخل عدم الاحترام يبقي اشهد ان
هذه العلاقه انتهت
حتي يقولك اذا اردت علاقه زوجيه ناجحه العمر كله فعامل زوجتك
مثل ما تعامل افضل اصدقائك
يعني باحترام متبادل مش كل واحد فيهم يزعق للتاني
ويقلل من قيمته ممكن فيه خلافات عادي انما تظل دايما فيه احترام متبادل وعدم
الاحترام يبدا بكلمه تجر بعديها بلاوي

يعني هو يعني بلاش نهزر
مثلا

مين اللي قال ان الشخصيه دي معقده هوا لازم يعني انضرب علي قفاي او
حديهزئني او يجرحني ابقي فريش مش معقد

ما نلعب ونهزر ونعمل حاجه باحترام
وليه الربط بين الهزار وعدم الاحترام
ما يكون فيه احترام متبادل ونعمل اللي كل
اللي عايزين نعملوه

الشخصيه اللي بنحرص في علاقتها بقي واللي
محتاجه عنايه

الشخص ده زعلان دايما وواخد علي خاطرهو وبيتقمص بسرعه ومش
عارفين ازاي نرضيه نخاف نتكلم قدامه كلمه الا يفهمها غلط نخاف نتكلم مع بعض يفكرنا
بنتكلم عليه لو مرض يا لهوي لو ما سالناشي لان حتي لو حلفنا كل الايمانات اللي في
الكون اننا كنا مشغولين انسي عنده احساس دايما انه مضهد هوا يقول انا ما حدش معبرني

ولا حد يجيني دانا عمري ما غبت عن حد دانا رحت له من سبع سنين الا ربع الساعه
خمستاشر الا خمسه
قبول الاعذار دي حاجه نادره لان له كمان تفسيره الخاص الل
بيفسر بيه الاشياء واللي بيعرفه عنا واحنا مش واخدين بالنا

والله حتي
الشخصيه دي غلبانه قوي كمان

الشخصيه دي محتاجه بس شويه اهتمام ويتغير شويه
اهتمام مع حب ورغبه وانه يخرج في شخص معين يستحمله في كل الي بيعمله وهوا حيتغير
انما مش البعد عنه لان البعد عنه بيخليه يزود الشعور ده عنده

كل ما يطلبه
قلب حنين ورغبه في التعامل انه يبقي وسطنا وانه محبوب ومرغوب فيه لانه دايما بيحاول
انه يتقرب بس مش بيعرف هوا دايما سباق ويحس في قراره نفسه انه نفسه يسعد الاخرين
ومش عارف دايما هوا بيسال فيتوقع من الاخرين كده
بالفعل والله شخصيه غلبانه

وبرضه قابله للتغير بالحب كل حاجه بتتغير وبعدين
اساسا طالما انه في وسطنا
انه حيتغير
وبرضه نخلينا ذوق معاه وشويه شويه حيعدل سلوكه
وكمان نشوف له ميزه
او هوايه ويدخل وسطينا لانه كمان عنده احساس انه نفسه يكون مهم وهو النوع ده
يبيكونوا عندهم رغبه انه يهتم بالاخرين ونقدر ساعتها انه نكون غيرنا انسان وممكن
يدعلينا طول عمره

الخلاصه ادب الحديث والذوق
الكلام للاثنين اللي له
تعامل خاص والناس كلها عموما

لما سال أبو هريرة رضي اللّه عنه: وما حسن
الخلق يا رسول اللّه؟قال: { تصل مَنْ قطعك، وتعفو عمن ظلمك، وتُعطي من
حرمك}
وعليك بقول رسول اللّه صلى اللّه عليه وسلم: { أحب الناس إلى اللّه
أنفعهم، وأحب الأعمال إلى اللّه عز وجل، سرور تدخله على مسلم، أو تكشف عنه كربة، أو
تقضي ديناً، أو تطرد عنه جوعاً، ولئن أمشي مع أخي المسلم في حاجة أحب إليَّ من أن
أعتكف في المسجد شهراً }

الخلاصه الذوق اللناس تهتم بالمظهر والذوق
الخارجي وتنسي ان الذوق الداخلي تنسي انه تقول كلمه حلوه تشجع بيها حد تنسي انه
تحافظ علي كلامها انه يجرح حد

واعلم
و{ أكثر ما يدخل الناس الجنة، تقوى
اللّه وحسن الخلق }
لدرجه ان حسن الخلق ده يخلي الانسان كانه صايم النهار وطول
اليل عمال بيصلي وده من الحديث

فقد قال: صلي الله عليه وسلم إن الرجل ليدرك
بحسن خلقه درجة الصائم القائم } يعني نتخيل كلمه حلوه كاني صمت طول اليوم سبحان
الله كم الاسلام عظيم

و طيب ما حسن الخلق يعني ايه
ما هوا الذوق كلمه
طيبه نخفف بيها انسان مجروح كلمه حلوه ممكن تسعده كلمه نتجنبها عشان ما تؤذيش مشاعر
حد
والله المستعان

مشكوره صاحبة القلم
الموضوع مفيد جدا
تقبلى تحياتى

» يا متزوجات ياعروسات حل جميع مشاكلك هنا من راسك لرجليك لأشيا ماتخطر ع بالك
» كلمات أغانى مختارة ل اليسا ( ياعالم & خد بالك عليا & اديك عرفت & انا بستغرب عليه )
» غرائب فى جسم الانسان
» الانسان والبحر
» الانسان الناجح