نعومة للجسم هايلة

موضوع: نعومة للجسم هايلة 21/3/2009, 9:23 pm

السلام عليكم ورحمة الله وبركاته

المرأة عموما معرف عنها الرقة والنعومة والجمال وعشان صورة المرأة تكتمل لازم يكون ملمس جسمها مثالى ودة بيزود إحساسها بالأنوثة
النهاردة وصفتى سهلة جداااا جداااا بس بجد روعة يلا شوفى الوصفة وقومى جربيها بسرعة وإنتى هتدعيلى إن شاءالله

أولا :
وإنتى بتاخدى شاور...
إغسلى جسمك باللوفة العادية وإشطفى جسمك بماء ساخن
وبعد كدة دلكى جسمك بالشاور اللى إنتى بتستعمليه بس بشرط إن يكون جسمك مبلول بلل خفيف جدا
وبعدين تجيبى شوية سكر ناعم مش مطحون بس يكون من النوع الناعم ودلكى بيه جسمك
إستمرى فى التدليك وركزى على المناطق الخشنة زى الكوع والركبة
لحد ما تحسى إنك دلكتى جسمك كويس والسكر شبه داب
إشطفى جسمك باء ساخن وبعدين ماء بارد

ثانيا :
نشفى جسمك كويس ...
رشى على جسمك بودرة تلك (بودرة أطفال)
دلكى جسمك كويس بالبودرة لحد ما جسمك يمتصها
وبعدها إلمسى جسمك هتلاقيه أنعم من الحريييييير
بس ما تنسيش تدعيلى لكن بعد ما تطلعلى من الحمام
وبالتوفيق إن شاء الله

عزيزتى حواء ياريت تكونى إستفادتى ولو بالقليل
بس ما تنسيش تدعيلى دعوة بجد من قلبك للسما علطول

يلا يا حبايبى كل سنة وأنتم طيبين

موضوع: رد: نعومة للجسم هايلة 22/3/2009, 4:42 am

يسلمو ياقمر ع الموضوع
معلومات روعةة

» مجموعة تمارين للجسم بالكامل
» دلكه للجسم قبل الاستحمام رهيبة