ماسك حلو اووي يابنات

بصوا بقي يابنوتات ياحلوين يامقطقطين
هههههههههههههه

انهاردا هتكلم عن ماسك حلو اووي
عن نفسي بستخدمه وبجد بجد رااائع

((( الزبـــــــــادي والخيــــــــــار)))

مفيش اسهل من كدا

نجيب كوباية زبادي من العادي مش جهينه واكتيفيا والكلام دا

ونجيب خيارة صغننه كدا ونقشرها

ونحطهم مع بعض في الخلاط

وبعد كدا تاخدي الكميه اللي انتي محتاجاها
لو خفيفه ممكن تحطي معلقة دقيق تمسك القوام شويه

وتحطي الباقي في التلاجه
وكل ماقعد في التلاجه كل ماكان افضل

اهم حاجه بقي يابنات اننا لازم ننضف وشنا كويس اووي قبل الماسك
بحيث ان بشرة الوش لازم تستقبل الماسك وهي نضيفه
علشان تاخدي نتايجة بالظبط

وان شاء الله التوبيك الجاي عن كيفية تنظيف البشرة قبل الماسك