عاوز تعرف ايــــوه .....كرســــــى الاعتــــــــــــــراف فى الطريق

للامانه الفكرة دى منقولة
بس انا لاقيتها جميله فقولت نجربها مع بعض
الموضوع بيتلخص فى عنوان الموضوع
تمام انه كرسى الاعتراف
هو عبارة عن شوية اسئله
بس عشان مايحصلش لا قدر الله زعل هانحط شوية قوانين للعبه ودا ها يبقى الجديد على منتدانا
يبقى اخدنا الفكرة وطورناها
فانا مش هاحط القوانين الا لما احس انكم عاوزين تلعبوها ماشى
مستنى ردودكم ولو فى اقتراحات كمان
يلا عاوزين نفعل المنتدى اكتر من كده

وانا أول واحد معاكى فى الموضوع دة ولو حكم أنا الى هقعد الاول علشان بقية الاعضاء تطمن أن الكرسى مش مكسور ولا بيوقع ولا فى مسمار بينتش الهدوم

تمام بس فين الباقى ولا مش عاوزين يلعبوا

انا عاوز العب بس من غير كشف الكدب اصل انا صريح اوى

ههههههههههه
ماشى يا ابو تمام من غير كشف الكدب
ترقبوا القوانين هاتنزل قريب اوى

فى انتظار نتيجة اللعبة اللى فاتت وفى انتظار اللعبة دى
أنا هروح الجيم العب رياضة عشان استعد تكون نزلت الحاجات دى قرييا
وادينا مستنيين

عاوز تعرف ايــــوه .....كرســــــى الاعتــــــــــــــراف فى الطريق 126477960

maney

بما انك من اقترحتى الفكره فانتى اول من يجلس على كرسى الاعتراف
وبحب اسالك الاتى:

1) ما أفضل صفة تحبيها فى الرجل؟
2) ما أسوأ صفة تكرهيها فى الرجل؟
3) هل تعجبى بصورتك عندما تنظرى فى المرآه؟
4)كلمة تقوليها لإنسان بتكرهيه بس طبعا يكون شخص موجود بجد؟
5)انتى بتدرسى ايه ونفسك تكونى ايه فى المستقبل؟
6) واخر سوال عاوزك تحكى موقف كل ما تفتكريه تضحكى؟

ــــــــــــــــــــــــــــــــــــــــــــــــ
طبعا أسألتى كلها سهله ولذيذه
انا حبيت اسيب الاساله الصعبه لباقى الاعضاء
انا عارف ان كلهم بيحبوكى
وفى انتظار اجاباتك على كرسى الاعتراف

ايه دا جامد الحوار دا انا موافق على اللعبه وهالعب انا كمان تمام هاسال ممكن
بصى يامانى
اوصفى الكلمات الاتيه بتمثلك ايه فى حياتك
الاصدقاء
الحبيب
الالم
الحياة
الخيانه
الصدق
الكدب
الوفاء
الاخلاص
التضحيه
الحب بكل انواعه
ولما تجوبى دول
هكمل الاسئله

عدل سابقا من قبل Admin في 19/7/2008, 10:29 pm عدل 1 مرات

أنا أسئلتى بسيطه جدا

هل أنتى صادقة مع نفسك

هل أنتى صادقة مع الاخرين

هل تحبين غيرك كما تحبين نفسك

مستنى الاجوبة على دول عقبال لما أحضرك اسئلة تانية

ايه دا اللى حصل انا اغيب كام ساعه ارجع الاقى الاتفاق بقى على مانى
ماشى يا ابو تمام Rolling Eyes

خالتنى ادام امر واقع
وعشان ماتعودتش الانسحاب
هاجاوب على الاسئله
كلها
ان شاء الله

واحنا مستنين الاجابات ومش هنتنازل عن أى سؤال

) ما أفضل صفة تحبيها فى الرجل؟
2) ما أسوأ صفة تكرهيها فى الرجل؟
3) هل تعجبى بصورتك عندما تنظرى فى المرآه؟
4)كلمة تقوليها لإنسان بتكرهيه بس طبعا يكون شخص موجود بجد؟
5)انتى بتدرسى ايه ونفسك تكونى ايه فى المستقبل؟
6) واخر سوال عاوزك تحكى موقف كل ما تفتكريه تضحكى؟
1- الحكمة
2- الاستهتار
3- بص مافيش بنت مش هاتبص فى المرايا ومش هاتلاقى نفسها حلوه عشان اكون صريحه معاك انا بفضل جمال الروح عن الشكل لانه هو اللى بيدوم او هو اللى بيكون طبيعى ومانقدرش نلعب فيه سواء كان بنت او ولد جمال الروح هو اهم شئ عندى اه مانكرش ان الجمال ليه زهوته بس بيروح
4-صعب احساس الكره دا صعب مش سهل مش عشان انسان ضايقك او وصل الحد بينكم انكم ماتكلموش بعض تكره الكره دا ليه معنى اكبر من اللى احنا رسمينه ليه صعب اوصل لكره شخص الا لو عمل حاجات تتجاوز المعقول فامعنديش حد اقوله الكلمه دى لحد دلوقتى الحمد الله
5-صعب اوى موضوع المستقبل دا عاوز شرح ليه مع انه من سبع كلمات بس كل كلمه وراها معنى طويل وبالنسبه للدراسة زراعة وقسمى عاوزة اقولك تحفه انا فعلا بحب مجالى اوى برغم انه مجال مش مطروح للبنات بس اعمل ايه دا نصيب انى احبه ما اقدرش اغير مجال دراستى لحبى لمجالى
6-بص حكايه الموقف دى صعبه شويه انا فى اكتر من موقف بس الشرح صعب شويه معلش اعذرنى فى دى مش عشان حاجه بس اللى شاف غير اللى
سمع صح ولا فاصعب احكى موقف يضحك

اوصفى الكلمات الاتيه بتمثلك ايه فى حياتك
الاصدقاء= الوفاء مش شرط يكون كل اللى حواليا اصدقاء
الحبيب= الحياة
الالم=معرفة مدى صعوبة الحياة وان الحكمة مش بتيجى بالساهل
الحياة=مغامرة يا تكسب ياتخسر
الخيانه=نداله وخنجر فى ظهرى والخاين اجبن من انه يواجهنى
الصدق=النقاء والامان
الكدب=مالوش رجلين
الوفاء= معنى اجمل منه مافيش بس ياترى هانلاقيه فى مين
الاخلاص=معنى بندور عليه وبنمثل اننا على درايه بيه لكن افعلنا بتضيعه من بين ايدينا
التضحيه= صعبه واصعب منها لو مالقتش اللى يقدر تضحيتك
الحب بكل انواعه=اجمل حب الحب فى الله وبعديه حب الام والاب بعد كده اقولك ان فى قواعد مختلفة هى اللى بتحكم وبتايد

هل أنتى صادقة مع نفسك
بحاول ماقدرش اكدب ساعات بكدب عليها بس منين هاروح دا انا وهى نفس واحد
هل أنتى صادقة مع الاخرين
على قد جهدى بس ساعات الصراحة والصدق الزيادة بيسموه عبط عشان كده احترت انا
هل تحبين غيرك كما تحبين نفسك
صعب الواحد مايحبش نفسه بس الاصعب انه يلاقى اللى يستاهل يدخل منافسه مع حبه لنفسه
لكن انا بحاول

ياه على فكره تعبتونى مسيركم يوم هاتعدوا وهاتعبكم
ها فى اسئله تانيه ولا اسئل

لا فيه
بس استنى هاحضرلك شويه كمان واجيبهم واجيلك اوك

واو شكل اللعبة دى حلوة انا موافقة عليها

maney
استنى شوية هاحضرلك اسئلة واجى على طول

ايه ياجماعه ايه الحوار شكل التاكسى اللى جاى فيه الاسئله هايتاخر
وانا عاوز اسئل بقى
بصوا انا هاقولكوا على اتفاق حلو اوك ويارب توافقوا عليه
بصوا احنا لما نحط حد على الكرسى هايعد لمدة 3 ايام بس وماتخفوش كده كده مسيره هايجى عليه الدور تانى حتى لو ملحقتش تسال فانتوا هاتسالوه فى المرة اللى بعديها
فها لو موافقين يبقى انا ناقصلى بكرة بس على الكرسى اوك
وهاختار بعد كده حد يعد مكانى

موافقون وباجماع الاراء

مانى للمرة الأخيرة

1) ماهو اسمك الحقيقى ؟
2) هل تعيشين قصة حب حاليا أو ارتباط رسمى؟
3) هل أنتى راضية عن نفسك وعن طريقة حياتك؟
4) ما هو أكثر عيب عندك نفسك تغيريه ؟
5) هل تشعرين بحب الناس من حولك ؟
ـــــــــــــــــــــــــــــــــــــــــــــــــــــــــــــــــــــــ

وشكرا ليكى وعلى اجاباتك الصريحه المنطقية
وفى انتظار الاجابه عن هذه الاسئلة

لكى حرية الاختيار لو مش عاوزة تردى على اى سوال
وتحياتى لك
بس ارجوكى لما ييجى عليا الدور تكونى حنينه شويه
ولا تحاولى الانتقام
واشكرك مرة اخرى

1) ماهو اسمك الحقيقى ؟
مانى احب اسم ليا حاليا
2) هل تعيشين قصة حب حاليا أو ارتباط رسمى؟
لا
3) هل أنتى راضية عن نفسك وعن طريقة حياتك؟
مين فينا يقدر يعترض او مايكونش راضى حياتى دى من تدابير الله عز وجل فاتخيل شئ ربنا مرتبه هاقدر اعترض لا لانه اكيد كل اموره خير ليا
4)ما هو أكثر عيب عندك نفسك تغيريه ؟
هما تلات عيوب بصراحه
اولهم الثقة الزايده فى الناس
ثانيهم الصراحه التى تصل الى حد الكل بيقول عليه عبط بس بصراحه ابتديت اعدل فى العيب دا كتيررررررررررررررر عن الاول
ثالثهم العصبيه انا عصبيه جدا ومابحبش حد يتناقش معايا فى موضوع معصبنى الا لما اهدى بس العيب دا بردوا بدءت اتغلب عليه بانى احاول امتص عصبيتى جويا ومش اتنرفز على حد اه بيبقى باين عليا انى متعصبه ومتضايقه بس تصرفاتى بتهدى شويه
5) هل تشعرين بحب الناس من حولك ؟
بص هاقولك شئ الحب معنوى يعنى عمرى مايكون على مرما بصرى عشان كده عمرك ماهتقدر تحدد حب الناس ليك الا لو كنت فى موقف بيظهر فيه الشئ المعنوى ودا انا بقع فيه كل فين وفين وبحاول مايكونش حواليا اى حد عشان انا ممكن لو قولتلك اعرف معظم كليتى مش هاتصدق بس دا فعلا فا مش اى حد ممكن يكون بيحبنى بس اللى اقدر اقولهولك انى حتى دكاترتى بيقولوا عليا بنوته كويسه ومحبوبه ونشيطه فا الحمد لله حتى لو شخص واحد بيحبنى فدا عندى يساوى كتير

خلاص يامانى سماح بس المرة اللى جايه
بصراحه مافيش اسئله
هاخليها المرة اللى جايه
اوك مين دلوقتى على الكرسى بدالك

مع الضحيه الثانيه من ضحايه كرسى الاعتراف
وهو العضو المتميز

بوب

عاوز تعرف ايــــوه .....كرســــــى الاعتــــــــــــــراف فى الطريق 480330271

يلا يابطل ورينا صراحتك

1) إيه أكتر حاجه ممكن تخنقك من صحابك؟
2) ايه احلى حاجه بتحبها فى نفسك؟
3) امتى اخر مرة حسيت انك مظلوم؟
4) انت بتدخن ولا لأ ومرتبط ولا لأ؟
5) إيه اكتر حاجه عجباك فى المنتدى ومين هو اكتر عضو عجبك مواضيعه فى المنتدى؟
ــــــــــــــــــــــــــــــــــــــــــــــــــــــــــــــــــ

أرجوا ان الاسئلة ماتكونش رخمه
وياربت تجاوب بصدر رحب
وطبعا بأترك بقية دبحك لباقى الاعضاء
وتحياتى ليك ياغالى

ههههههههههههههههههههههه
ولو انى كنت عاوز ابو تمام ينور الكرسى
ولكن معلش خيرها فى غيرها
بوب
انت ليه بتهاجم المراءة ودا اللى انا حاسه فى مواضيعك
انت دخلت المنتدى عن طريق مين
تقدر تقول اكتر حاجه تعصبك واكتر حاجه تفرحك
ايه هوياتك
ايه مواصفات البنت اللى ممكن ترتبط او لو انت مرتبط بيها
كفايه كده مؤقتا اوك

منا عشان كدا لحقت نفسى وقعدت بوب هو أولى
وربنا معاه فى الاجابات

» عاوز تعرف ليه الحب اعمى ويقوده الجنون ادخل وانت تعرف
» حصريا تحميل فيلم الكل عاوز يحب الفيلم الممنوع من العرض بطولة سهير رمزى ونور الشريف وعادل امام تنزيل فيلم الكل عاوز يحب الفيلم للكبار فقط + 18 فقط على بحيرة العالم
» عاوز احط توقيع
» حصرياً : فيلم بدون رقابة نسخة DvdRip بحجم 250 ميجا صيغة RMVB للكبار فقط
» اخطأنا الطريق